मुरूम: महाराष्ट्र टॅलेंट सर्च परीक्षेत ‘आदर्श विद्यालया’चा डंका; माजी मंत्री बसवराज पाटील यांच्या हस्ते गुणवंतांचा गौरव
उमरगा/लोहारा (प्रतिनिधी: आदिनाथ भालेराव): महाराष्ट्र टॅलेंट सर्च (MTS) परीक्षा २०२६ मध्ये उमरगा येथील आदर्श विद्यालयाच्या विद्यार्थ्यांनी देदीप्यमान यश संपादन केले आहे. या गुणवंत विद्यार्थ्यांचा आणि सैनिक स्कूलसाठी पात्र ठरलेल्या विद्यार्थ्यांचा विशेष सत्कार सोहळा माजी मंत्री तथा लातूर भाजप ग्रामीणचे जिल्हाध्यक्ष बसवराज पाटील यांच्या शुभहस्ते नुकताच पार पडला.
यशाचे मानकरी: तालुक्यात प्रथम तर राज्यात २२ वी!
MTS परीक्षेत शाळेच्या विद्यार्थ्यांनी राज्य आणि तालुका स्तरावर आपल्या गुणवत्तेची छाप पाडली आहे. यशस्वी विद्यार्थ्यांची नावे खालीलप्रमाणे आहेत:
कु. खुशी राठोड (इयत्ता ७ वी): उमरगा तालुक्यात प्रथम क्रमांक, तर संपूर्ण महाराष्ट्र राज्यात २२ वा क्रमांक पटकावून शाळेचा नावलौकिक वाढवला.
कु. सायना राठोड (इयत्ता ६ वी): उमरगा तालुक्यात सहावा आणि राज्यात ३० वा क्रमांक.
चि. सुभान पटेल (इयत्ता ४ थी): उमरगा तालुक्यात सातवा आणि राज्यात ३० वा क्रमांक.
केवळ स्पर्धा परीक्षाच नव्हे, तर संरक्षण दलातील प्रवेशाचे स्वप्न पाहणाऱ्या विद्यार्थ्यांनीही यश मिळवले आहे. यात चि. वेदांत गायकवाड, आयुष मुळे आणि शुभांगी सूर्यवंशी या विद्यार्थ्यांनी कठोर मेहनत घेऊन ‘सैनिक स्कूल’ प्रवेशासाठी आपली पात्रता सिद्ध केली आहे.
विद्यार्थ्यांच्या या यशामागे शाळेचे प्राचार्य सैपन शेख, पर्यवेक्षक श्रीपाद कुलकर्णी, तसेच विद्यार्थ्यांना प्रत्यक्ष मार्गदर्शन करणारे सहशिक्षक प्रशांत सोमवंशी आणि सहशिक्षिका सौ. सुवर्णा चौधरी यांचे मोलाचे योगदान लाभले आहे.
संस्थेकडून कौतुकाचा वर्षाव
श्रमाजीवी शिक्षण संस्थेच्या सर्व संचालकांनी विद्यार्थ्यांच्या या यशाबद्दल त्यांचे अभिनंदन केले असून, भविष्यातील वाटचालीस शुभेच्छा दिल्या आहेत. “ग्रामीण भागातील विद्यार्थ्यांनी राज्य स्तरावर मिळवलेले हे यश अभिमानास्पद आहे,” असे मत यावेळी मान्यवरांनी व्यक्त केले.
