सोनकवडे परिवाराच्या शिरपेचात मानाचा तुरा! मोनिश सोनकवडेची देशातील नामांकित ‘आयआयटी खरगपूर’मध्ये झेप; आमदार ज्ञानराज चौगुले यांच्या हस्ते सत्कार.
उमरगा/लोहारा प्रतिनिधी आदिनाथ भालेराव.एकाच घरातील दोन्ही सुपुत्र देशपातळीवरील सर्वोच्च ‘IIT’ संस्थेत.
कठोर परिश्रम, जिद्द आणि अचूक नियोजनातून विद्यार्थीही देशपातळीवर चमत्कार घडवू शकतात, याचाच प्रत्यय पुन्हा एकदा आला आहे.डॉ. किरण सोनकवडे व सौ. रंजना सोनकवडे यांचे द्वितीय चिरंजीव कुमार मोनिश किरण सोनकवडे याने देशातील अत्यंत प्रतिष्ठित आणि सर्वोच्च तंत्रशिक्षण संस्था ‘आयआयटी खरगपूर’ (IIT Kharagpur) मध्ये मानाचा प्रवेश मिळवला आहे. मोनिशच्या या दैदिप्यमान आणि ऐतिहासिक यशाबद्दल उमरगा-लोहारा तालुक्याचे लोकप्रिय आमदार श्री. ज्ञानराज चौगुले साहेब तसेच धाराशिव जिल्ह्यातून आलेल्या विविध क्षेत्रांतील प्रमुख अतिथी गणांच्या उपस्थितीत त्याचा भव्य सत्कार सोहळा अत्यंत उत्साहात संपन्न झाला.
JEE (Advanced) परीक्षेतCategory Rank – 2261 चा टप्पा पार!
देशातील सगळ्यात कठीण समजल्या जाणाऱ्या JEE (Advanced) परीक्षेत मोनिशने All India Category Rank – 2261 मिळवत घवघवीत यश संपादन केले. दिवस-रात्र एक करून, कोणतीही कसर न सोडता केलेल्या अभ्यासाच्या बळावर त्याने हे यश खेचून आणले आहे. मोनिशच्या या यशाने केवळ सोनकवडे परिवाराचीच नव्हे, तर संपूर्ण जिल्ह्याची मान अभिमानाने उंचावली आहे.
मोठ्या भावाचे छत्र आणि आदर्श मार्गदर्शन
प्रत्येक यशस्वी व्यक्तीच्या मागे एका मार्गदर्शकाचा हात असतो. मोनिशला त्याचे थोरले बंधू शशांक सोनकवडे यांचे मोलाचे व अचूक मार्गदर्शन लाभले. शशांक हा स्वतः देशातील अग्रगण्य ‘आयआयटी मद्रास’ (IIT Madras) येथे शिक्षण घेत आहे. भावाने दाखवलेल्या वाटेवर चालत, लहान भावानेही आयआयटीचा गड सर केल्याने या यशामध्ये भावाच्या मार्गदर्शनाचा वाटा अत्यंत महत्त्वाचा ठरला आहे.
आई-वडिलांच्या कष्टाचे सोने: एकाच घरातील दोन्ही सुपुत्र ‘आयआयटी’त!
सोनकवडे कुटुंबासाठी आणि पर्यायाने संपूर्ण समाजासाठी हा क्षण अत्यंत दुर्मिळ आणि सुवर्ण अक्षरांनी लिहून ठेवावा असा आहे. एकाच घरातील दोन्ही मुलांनी देशातील पहिल्या क्रमांकाच्या शिक्षण संस्थांमध्ये (IIT) प्रवेश मिळवणे ही साधी गोष्ट नाही.
वडिलांचे अथक परिश्रम: डॉ. किरण सोनकवडे यांनी मुलांच्या शिक्षणासाठी घेतलेले अफाट कष्ट.
आईचे संस्कार आणि त्याग: सौ. रंजना सोनकवडे यांनी मुलांवर केलेले संस्कार, वेळोवेळी दिलेले प्रोत्साहन आणि केलेला त्याग.
या दोन्ही घटकांमुळेच आज या माऊलीच्या आणि पित्याच्या कष्टाला यशाची सर्वात मोठी आणि यशस्वी पावती मिळाली आहे. हा क्षण प्रत्येक आई-वडिलांसाठी अत्यंत अभिमानाचा, डोळ्यांत आनंदाश्रू आणणारा आणि अंगावर रोमांच उभा करणारा ठरला आहे.
आमदार ज्ञानराज चौगुले व मान्यवरांकडून कौतुकाचा वर्षाव
आयोजित भव्य नागरी सत्कार समारंभाप्रसंगी बोलताना आमदार श्री. ज्ञानराज चौगुले साहेब भावूक झाले. त्यांनी मोनिशचे कौतुक करताना सांगितले की, “आपल्या भागातील मातीत अथांग टॅलेंट दडलेलं आहे, हे मोनिशने आपल्या कष्टाने सिद्ध केले. सोनकवडे सरांनी आणि मॅडमनी आपल्या मुलांवर जे संस्कार केले, त्याचे कौतुक संपूर्ण महाराष्ट्र करत आहे. मोनिशने केवळ स्वतःचे भविष्य उज्ज्वल केले नाही, तर उमरग्याच्या मातीचे नाव देशाच्या नकाशावर कोरले आहे.”
या सोहळ्यासाठी धाराशिव जिल्ह्यातील राजकीय, सामाजिक, शैक्षणिक आणि वैद्यकीय क्षेत्रातील अनेक दिग्गज आणि प्रमुख अतिथी गण मोठ्या संख्येने उपस्थित होते. सर्वांनीच सोनकवडे परिवारावर कौतुकाचा आणि शुभेच्छांचा वर्षाव केला जत आहे.
मोनिशने आपल्या अफाट बुद्धिमत्ता, अजोड कर्तृत्व, जिद्द आणि प्रामाणिकपणाच्या बळावर यशाची अनेक नवी शिखरे सर करावीत. भविष्यात एक उत्तम अभियंता (Engineer) बनून त्याने आपल्या कुटुंबाचे, समाजाचे आणि संपूर्ण देशाचे नाव जागतिक पातळीवर उज्ज्वल करणयासाठी सर्वत्र सदिच्छा व्यक्त केली जात आहे.
