तुळजापूर पोलिसांची मोठी कामगिरी! कर्नाटकच्या भाविकाचा हरवलेला मोबाईल तांत्रिक तपासाद्वारे शोधला!
तुळजापूर प्रतिनिधी:- कर्नाटकच्या भाविकाचा हरवलेला मोबाईल तुळजापूर पोलिसांनी तत्परतेने तांत्रिक तपास करून त्यांना मिळवून दिला. या आठवड्यातील ही दुसरी घटना आहे. देवीच्या भाविकांना त्यांचा मोबाईल परत मिळण्याची. श्री क्षेत्र तुळजापूर येथे दर्शनासाठी येणाऱ्या भाविकांच्या सुरक्षेसोबतच त्यांच्या वस्तूंची सुरक्षा करण्यात तुळजापूर पोलिसांना मोठे यश आले आहे. तुळजापूर येथील घाटशील पार्किंग भागातून हरवलेला एका कर्नाटकच्या भाविकाचा मौल्यवान मोबाईल पोलिसांनी तांत्रिक तपासाच्या आधारे शोधून काढला असून, आज तो मूळ मालकाकडे सुपूर्द करण्यात आला. बिदर (कर्नाटक) येथील रहिवासी श्री. प्रशांत नागनाथ केदोडी (रा. गोडंपल्ली, ता. बिदर) हे गेल्या ९ जून २०२६ रोजी तुळजापूर येथे दर्शनासाठी आले होते. दरम्यान, तुळजापूर येथील घाटशील पार्किंग परिसरातून त्यांचा ‘विवो’ (Vivo Y15) कंपनीचा मोबाईल फोन अचानक हरवला होता. या प्रकरणी तुळजापूर पोलीस ठाण्यात नोंद करण्यात आली होती.
तांत्रिक कौशल्याचा वापर आणि मोबाईल हस्तगत: मोबाईल हरवल्याची तक्रार आल्यानंतर तुळजापूर पोलीस ठाण्याच्या पथकाने तात्काळ कारवाई करत तांत्रिक माध्यमातून (Cyber/Technical Analysis) या मोबाईलचा शोध सुरू केला. पोलिसांनी सातत्याने केलेल्या तांत्रिक पाठपुराव्यामुळे अखेर या मोबाईलचा अचूक माग काढण्यात पोलिसांना यश आले.
भाविकाने मानले पोलिसांचे आभार: मोबाईल मिळून आल्यानंतर पोलिसांनी आज, दिनांक २८ जून २०२६ रोजी श्री. प्रशांत केदोडी यांना तुळजापूर पोलीस ठाण्यात बोलावून घेतले. पोलीस ठाण्यात त्यांचा शोधून काढलेला मोबाईल अधिकृतपणे त्यांच्या स्वाधीन करण्यात आला. आपला हरवलेला फोन परत मिळाल्यामुळे प्रशांत केदोडी यांनी चेहऱ्यावर समाधान व्यक्त करत तुळजापूर पोलिसांच्या तत्परतेबद्दल आणि उत्कृष्ट कामगिरीबद्दल मनापासून आभार मानले आहेत.
तुळजापूर पोलिसांच्या या कर्तव्यदक्षतेमुळे तुळजापूर नागरिकातून त्यांची प्रशंसा होत आहे.
