जळकोट येथील खून प्रकरणाची स्थानिक गुन्हे शाखा, धाराशिव कडून उकल
दि.२१.११.२०२५ रोजी पोस्ट नळदुर्ग हद्दीत जळकोट येथे महिला नामे. सुभद्रा राम शेट्टी पाटील, वय वर्ष ६०, राहणार जळकोट या वृद्ध महिलेचा, राहत्या घरी कोणीतरी अज्ञात व्यक्तीने खून करून अंगावरील सोन्याचे दागिने चोरून नेल्याची घटना घडली होती. सदर बाबत पोस्टे. नळदुर्ग गु.न.४३०/२०२५कलम १०३(१),३११(८),३०५भा. न्या.सं. अन्वये खुनाचा गुन्हा नोंद करण्यात आला होता.
प्रथम दर्शनी गुन्हा कोणी केला याबाबत पुरावे नसल्याकारणाने या खुनाचा तपास उघड किस आणणे हे पोलिसांसमोर आव्हान होते. गुन्ह्याचे गांभीर्य लक्षात घेऊन पोलीस निरीक्षक श्रीमती रितू खोखर यांनी तातडीने स्थानिक गुन्हे शाखा धाराशिव यांना तात्काळ सदर गुन्हा उघडकीस आणणेबाबत आदेशित केले होते. त्या अनुषंगाने स्थानिक गुन्हे शाखेचे पोलीस निरीक्षक विनोदी ईज्ज पवार, सपोनी सुदर्शन कासार व पथक यांनी तात्काळ सदर गुन्ह्याचे घटनास्थळी भेट देऊन गुन्हा उघडकीस आणण्याचा उद्देशाने पुरावे गोळा करण्यास सुरुवात केली. तसेच गुन्ह्याचे अनुषंगाने गोपनीय माहिती मिळवण्यास सुरुवात केली. त्यांच्या प्रयत्नांना यश आले आणि तांत्रिक माहितीच्या आधारे एक महिला घटनास्थळी आजूबाजूला संशयितरित्या फिरत असलेली दिसून आली. सदरील महिला कोण आहे याविषयी सविस्तर माहिती घेतली असता. सदर महिलेचा याच परिसरात राहणारी वनिता झुंबर सुरवसे ही असल्याचे समजले. यावरून सदर महिलेच्या मुलाकडे हिच्या बाबत चौकशी केली असता. ती उपचारा कामी ससून रुग्णालय , पुणे येथे गेल्याचे सांगण्यात आले. त्यावरून एक पथक पुणे येथे शोध घेण्याच्या कामी पाठवण्यात आले त्यादरम्यान ती भिगवन येथे राहत असलेल्या तिच्या मुलीकडे असल्याबाबत माहिती मिळाली. त्या ठिकाणावरून तिला ताब्यात घेण्यात आले. तिला गुन्हा संदर्भात चौकशी केली असता. तिने उडवा- उडवीची उत्तरे दिली. तिला विश्वासात घेऊन चौकशी केली असता. तिने सगळी केला असल्याची कबुली दिली. सदरील महिलेचा खून करण्याचा उद्देश विचारला असता. तिने सांगितले की, मयत मारले कडून आरोपी महिलेने दागिने गहाण ठेवून ४०,००० रुपये उसने घेतले होते. आणि या मुद्द्यावरून मयत महिला आरोपीस त्रास देत होती. त्या गोष्टीचा राग मनात धरून आरोपी महिलेने सुभद्रा पाटील हिचा दि.२१.११.२०२५ रोजी, मध्य रात्री खून केला आणि तिच्या अंगावरील दागिने काढून घेऊन ती पुणे येथे पळून गेली होती. सदर आरोपी महिला नामे वनिता झुंबर सुरवसे राहणार जळकोट तालुका तुळजापूर जिल्हा धाराशिव हिला पुढील तपासासाठी नळदुर्ग पोलीस स्टेशन यांच्या ताब्यात देण्यात आले आहे.
सदरील कामगिरी श्रीमती रितू खोखोर, पोलीस अधीक्षक धाराशिव यांचे मार्गदर्शनाखाली स्थानिक गुन्हे शाखेचे पोलीस निरीक्षक विनोद ईज्ज पवार, सहाय्यक पोलीस निरीक्षक सुदर्शन कासार, पोलीस हवालदार शौकत पठाण, पोलीस हवालदार जावेद काझी, पोलीस हवालदार फरहान पठाण, पोलीस हवालदार प्रकाश अवताडे, चापोह सुभाष चौरे, रत्नदीप डोंगरे, नागनाथ गुरव यांच्या पथकाने केली.
