माधवराव पाटील कॉलेज ऑफ फार्मसी मध्ये मोफत ऑनलाइन प्रवेश प्रक्रिया सुरू
बी. फार्मसी अभ्यासक्रमासाठी सुविधा केंद्र म्हणून शासनाची मंजुरी; ३१ जुलै ते २० ऑगस्टदरम्यान अर्ज करण्याचे आवाहन
उमरगा /लोहारा प्रतिनिधी आदिनाथ भालेराव.
माधवराव पाटील कॉलेज ऑफ फार्मसी मध्ये शैक्षणिक वर्ष २०२६-२७ करिता बी. फार्मसी अभ्यासक्रमाच्या केंद्रीय प्रवेश प्रक्रियेसाठी नोंदणी व सुविधा केंद्र म्हणून महाराष्ट्र शासनाकडून अधिकृत मंजुरी मिळाली आहे. अशी माहिती नगर शिक्षण विकास मंडळाचे अध्यक्ष बापूराव पाटील यांनी दिली आहे.
या महाविद्यालयात बारावी विज्ञान शाखा उत्तीर्ण विद्यार्थ्यांसाठी बी. फार्मसी प्रवेशाबाबत मोफत मार्गदर्शन केंद्र व ऑनलाइन प्रवेश प्रक्रिया सुरू करण्यात आली आहे. प्रवेश प्रक्रियेसाठी लागणारे आवश्यक कागदपत्रे आणि संपूर्ण प्रवेश प्रक्रियेबाबत विद्यार्थी व पालकांना सविस्तर माहिती दिली जाणार आहे. ऑनलाइन प्रवेश प्रक्रियेबाबत पालक व विद्यार्थ्यांच्या मनात असणाऱ्या विविध शंका व अडचणी दूर करण्यासाठी महाविद्यालयातील अनुभवी व तज्ज्ञ प्राध्यापकांचे मार्गदर्शन उपलब्ध करून देण्यात आले आहे.
या सुविधा केंद्रामध्ये विद्यार्थ्यांचे ऑनलाइन रजिस्ट्रेशन, मूळ कागदपत्रे पडताळणी आणि अर्ज निश्चिती केली जाणार आहे.
ऑनलाइन अर्ज स्वीकारण्याचा कालावधी ३१ जुलै ते २० ऑगस्ट २०२६
अंतिम मेरिट लिस्ट जाहीर होण्याची तारीख १९ ऑगस्ट २०२६ असून
बी. फार्मसी प्रवेश घेऊ इच्छिणाऱ्या सर्व विद्यार्थी आणि पालकांनी या मोफत सुविधा केंद्राचा जास्तीत-जास्त लाभ घ्यावा, असे आवाहन महाविद्यालयाचे प्राचार्य डॉ. महेश्वर होगाडे यांनी केले आहे. प्रवेश प्रक्रियेबाबत अधिक माहितीसाठी प्रा. योगेश पाटील (७२६१९२७५३५),
प्रा. सुदीप ढगे ७०५७०१४२२२ यांच्याशी संपर्क साधावा.
