नवीन मराठी प्राथमिक शाळेत स्वातंत्र्यदिन उत्साहात; गुणवंत विद्यार्थ्यांचा विशेष सत्कार!
तुळजापूर प्रतिनिधी:-
येथील नवीन मराठी प्राथमिक विद्यालय, तुळजापूर येथे १५ ऑगस्ट स्वातंत्र्यदिन अत्यंत देशभक्तीपूर्ण आणि उत्साहपूर्ण वातावरणात साजरा करण्यात आला.
सकाळी मान्यवरांच्या हस्ते सन्मानपूर्वक ध्वजारोहण करून कार्यक्रमाची सुरुवात झाली. याप्रसंगी शाळेतील सर्व विद्यार्थी, शिक्षक आणि पालक मोठ्या संख्येने उपस्थित होते.
प्रभात फेरीने वेधले लक्ष
स्वातंत्र्यदिनाचे औचित्य साधून विद्यार्थ्यांनी गावात आकर्षक प्रभात फेरी काढली. हातामध्ये तिरंगा आणि मुखात देशभक्तीपर घोषणा देत विद्यार्थ्यांनी संपूर्ण परिसरात देशभक्तीचे वातावरण निर्माण केले. प्रभात फेरीनंतर शाळेत सांस्कृतिक कार्यक्रमांचे आयोजन करण्यात आले होते. यामध्ये विद्यार्थ्यांनी देशभक्तीपर गीते, कविता, नृत्य आणि स्वातंत्र्यदिनाचे महत्त्व सांगणारी भाषणे सादर करून उपस्थितांची मने जिंकली. याप्रसंगी माजी विद्यार्थी व पालकांच्या वतीने लहान मुलांना खाऊ वाटप करण्यात आले.
विविध स्पर्धा परीक्षांमधील गुणवंतांचा गौरव
या कार्यक्रमाचे मुख्य आकर्षण म्हणजे विविध राज्यस्तरीय स्पर्धा परीक्षा आणि शिष्यवृत्ती परीक्षेत घवघवीत यश मिळवणाऱ्या गुणवंत विद्यार्थ्यांचा बक्षीस वितरण समारंभ! शाळेचे मुख्याध्यापक श्री. लोखंडे सर व उपस्थित मान्यवरांच्या हस्ते या विद्यार्थ्यांना ढाल व पारितोषिके देऊन गौरविण्यात आले.
यशस्वी विद्यार्थ्यांची यादी व मार्गदर्शक शिक्षक:
१. इयत्ता दुसरी (राज्यस्तरीय मंथन परीक्षा):
फरहान मुस्तफा शेख (तालुक्यात २ रा)
शौर्य संतोष कोकणे (तालुक्यात ३ रा)
दूर्वा आकाश गवते (तालुक्यात ७ वा)
स्वरा करण जाधव (तालुक्यात १० वा)
यशस्वी विद्यार्थी: आलीजा वाहेद शेख, अनुष्का धर्मा जाधव, आरोही रोहित काशीद, भवानीशंकर मनोज धोत्रे, आयुष सुनील घाडगे, प्रणित विक्रम रसाळ, इस्माईल मिया पटेल.
मार्गदर्शक: श्रीमती वटणे मॅडम
२. इयत्ता तिसरी (राज्यस्तरीय मंथन परीक्षा):
यशस्वी विद्यार्थी: वैष्णवी दत्ता सोनवणे, आराध्या राया बनपट्टे, ऋषिकेश महेश सौदागर.
मार्गदर्शक: श्रीमती कदम मॅडम
३. इयत्ता चौथी (राज्यस्तरीय मंथन परीक्षा):
यशस्वी विद्यार्थी: रिहान समीर टाकळकर, साबेर मुस्तफा शेख.
मार्गदर्शक: श्री. वाघमारे सर
४. इयत्ता पाचवी (पूर्व उच्च प्राथमिक शिष्यवृत्ती परीक्षा):
यशस्वी विद्यार्थी: तब्बसुम हसन पठाण, अनुष्का योगेश राशीनकर, राम बालाजी चौगुले, विघ्नेश दत्ता हंगरगेकर.
मार्गदर्शक: श्री. यादव सर
५. इयत्ता सातवी (पूर्व माध्यमिक शिष्यवृत्ती परीक्षा):
यशस्वी विद्यार्थी: धनश्री किरण कदम
मार्गदर्शक: श्रीमती वसावे मॅडम
संपूर्ण कार्यक्रम अत्यंत शिस्तबद्ध आणि उत्साहपूर्ण वातावरणात पार पडला. कार्यक्रमाच्या यशस्वी आयोजनासाठी मुख्याध्यापक श्री. लोखंडे सर, सर्व शिक्षकवृंद आणि विद्यार्थ्यांनी विशेष परिश्रम घेतले. गुणवंत विद्यार्थ्यांच्या या यशाबद्दल तुळजापूर परिसरातून त्यांच्यावर कौतुकाचा वर्षाव होत आहे.
