तुळजापूर तालुक्याच्या विकासात लोकमंगलचे योगदान मोलाचे : तुळजापुरात सचिन आडगळे यांचा पत्रकार संघाकडून भव्य सत्कार!
तुळजापूर (प्रतिनिधी):
लोकमंगल मल्टीस्टेट को-ऑपरेटिव्ह सोसायटी (सोलापूर, शाखा-तुळजापूर) चे संचालक राजेंद्र उर्फ सचिन आडगळे यांचा वाढदिवस तुळजापूर येथील पुजारी मंगल कार्यालयात अत्यंत उत्साहात आणि आनंददायी वातावरणात साजरा करण्यात आला. सहकार आणि सामाजिक क्षेत्रातील त्यांच्या उल्लेखनीय योगदानाचा गौरव करत विविध क्षेत्रातील मान्यवरांनी त्यांना उदंड आयुष्यासाठी शुभेच्छा दिल्या.
या सोहळ्याचे औचित्य साधून तुळजापूर तालुका पत्रकार संघाचे माजी अध्यक्ष संजय खुरुद, जिल्हा पत्रकार संघाचे उपाध्यक्ष श्रीकांत कदम तसेच तालुका पत्रकार संघाचे उपाध्यक्ष ज्ञानेश्वर गवळी यांच्या हस्ते सचिन आडगळे यांचा पारंपरिक शाल, फेटा आणि पुष्पगुच्छ देऊन विशेष सत्कार करण्यात आला. उपस्थितांनी त्यांच्या सामाजिक व सहकार क्षेत्रातील भावी वाटचालीसाठी उदंड यश आणि समृद्धी चिंतली.
या स्नेहसोहळ्याला राहुल साळवी, आशुतोष लबडे, बंडूपंत चव्हाण, लोकमंगल मल्टीस्टेटचे पदाधिकारी, कार्यकर्ते आणि ‘तुळजाई एक्सप्रेस’चे संपादक घोडके यांच्यासह तालुक्यातील पत्रकार बांधव व नागरिक मोठ्या संख्येने उपस्थित होते. उपस्थितांच्या उदंड प्रतिसादामुळे व शुभेच्छांच्या वर्षावामुळे वाढदिवसाचा हा सोहळा अत्यंत देखणा आणि स्मरणीय ठरला.
