दुष्काळात बळीराजाला तातडीचा दिलासा! पीक पाहणी प्रयोग आता सप्टेंबरमध्येच; टँकर आणि उजनीच्या पाण्यासाठी आ. राणाजगजितसिंह पाटील अहोरात्र मैदानात!
तुळजापूर प्रतिनिधी:- जिल्ह्यातील भीषण दुष्काळी परिस्थितीचा गांभीर्याने विचार करत शेतकरी बांधवांना तात्काळ मदत मिळवून देण्यासाठी प्रशासन व सरकार पातळीवर दररोज पाठपुरावा केला जात आहे.
दुष्काळ निवारणासाठी घेतलेले महत्त्वपूर्ण निर्णय व उपाययोजना खालीलप्रमाणे-
पीक कापणी प्रयोगात मोठा बदल- पीक कापणी प्रयोग ऑक्टोबरऐवजी सप्टेंबर महिन्यातच घेण्याचा धोरणात्मक निर्णय; ज्यामुळे पीक विमयाची रक्कम व भरपाई वेगाने मिळण्यास मदत होईल.
मदत आणि अनुदानाचा वेगाने पाठपुरावा . गावागावांत पंचनामे, दुष्काळी मदत, अग्रीम (ॲडव्हान्स) अनुदान आणि पीक विमा शेतकऱ्यांपर्यंत पोहोचवण्यासाठी सातत्याने प्रयत्न सुरू.
पिण्याच्या पाण्याची टँकरद्वारे सोय- पाणीटंचाई भासणाऱ्या सर्व संवेदनशील भागांत तातडीने टँकर सुरू करण्याचे स्पष्ट निर्देश.
उजनीचे पाणी जिल्ह्यात आणण्याचे नियोजन: टंचाईच्या पार्श्वभूमीवर उजनीचे पाणी जिल्ह्यात आणण्याच्या कामाचा रोजच्या रोज गांभीर्याने आढावा.
“शेतकरी बांधवांच्या पाठीशी ठामपणे उभे राहणे हीच आमची प्राथमिकता आहे. जिल्ह्यातील सर्व प्रश्न आणि अडचणी पूर्णपणे मार्गी लागेपर्यंत आमचा हा पाठपुरावा अविरत सुरूच राहील!”
— आ. राणाजगजितसिंह पाटील.
