श्री विठ्ठलराव सोनवणे यांची भाजप किसान आघाडीच्या जिल्हा उपाध्यक्षपदी निवड; आमदार राणादादा पाटील यांच्या हस्ते तुळजापुरात सत्कार!
तुळजापूर (विशेष प्रतिनिधी):-
भारतीय जनता पक्षाच्या किसान आघाडीच्या जिल्हा उपाध्यक्षपदी श्री विठ्ठलराव सोनवणे यांची नियुक्ती करण्यात आली आहे. या निवडीबद्दल तुळजापूर येथे जिल्ह्याचे लोकप्रिय आमदार श्री. राणा जगजितसिंहजी (राणादादा) पाटील यांच्या शुभहस्ते श्री विठ्ठलराव सोनवणे यांचा फेटा बांधून व शाल-श्रीफळ देऊन नागरी सत्कार करण्यात आला.
या प्रसंगी बोलताना आमदार राणादादा पाटील यांनी विठ्ठलराव सोनवणे यांच्या आजवरच्या सामाजिक व पक्षातील निष्ठेचे कौतुक केले. किसान आघाडीच्या माध्यमातून शेतकाऱ्यांच्या प्रश्नांना वाचा फोडण्यासाठी व संघटन अधिक मजबूत करण्यासाठी ही निवड महत्त्वपूर्ण ठरेल, असा विश्वास त्यांनी व्यक्त केला.
या भव्य सत्कार सोहळ्याला तुळजापूरच्या नगराध्यक्ष गंगणे, पंचायत समितीचे सभापती देशमुख, नगरपालिकेचे उपाध्यक्ष रोजकरी, भाजप तालुकाध्यक्ष श्री दादा कंदले, आणि शहराध्यक्ष श्री पेंदे यांची प्रमुख उपस्थिती होती.
याशिवाय शहरातील विविध क्षेत्रांतील नगरसेवक, भारतीय जनता पक्षाचे पदाधिकारी, कार्यकर्ते आणि नागरिक मोठ्या संख्येने उपस्थित होते. उपस्थितांनी विठ्ठलराव सोनवणे यांना नवनिर्वाचित पदाबद्दल शुभेच्छा दिल्या.
सत्काराला उत्तर देताना श्री विठ्ठलराव सोनवणे यांनी पक्षश्रेष्ठींचे आणि आमदार राणादादा पाटील यांचे आभार मानले. पक्षाने दिलेली जबाबदारी पूर्ण निष्ठेने पार पाडून शेतकाऱ्यांचे प्रश्न सोडवण्यासाठी सदैव कटिबद्ध राहीन, अशी ग्वाही त्यांनी यावेळी दिली.
