नवरात्रोत्सवाच्या पार्श्वभूमीवर आमदार राणाजगजीतसिंह पाटील यांच्याकडून श्री तुळजाभवानी मंदिर परिसराची पाहणी!
तुळजापूर प्रतिनिधी:-
महाराष्ट्राची कुलस्वामिनी आई श्री तुळजाभवानी देवीच्या शारदीय नवरात्रोत्सवाच्या पार्श्वभूमीवर तुळजापूर नगरीत येणाऱ्या भाविक-भक्तांना सुलभ, सुलभ आणि सुरक्षित दर्शन घेता यावे यासाठी लोकप्रिय आमदार मा. श्री. राणाजगजीतसिंह पाटील साहेब यांनी मंदिर परिसर, भवानी रोड तसेच दर्शन मंडप भागाची प्रत्यक्ष भेट देऊन पाहणी केली व विविध सोयी-सुविधांचा आढावा घेतला.
या पाहणी दरम्यान प्रशासकीय अधिकारी, स्थानिक पदाधिकारी व सहकारी उपस्थित होते. (भा.ज.पा.) शहराध्यक्ष आनंद (दादा) कंदले यांनी आमदार साहेबांना भाविकांच्या सोयीसाठी करण्यात आलेल्या व्यवस्थांबद्दल व सुविधांची सविस्तर माहिती दिली.
नवरात्रोत्सव हा श्रद्धा, भक्ति आणि शक्तीच्या उपासनेचा पवित्र उत्सव असल्याने संपूर्ण उत्सवकाळात दर्शन व्यवस्था सुरळीत राहावी आणि भक्तांची कोणतीही गैरसोय होऊ नये, यासाठी प्रशासनाला आवश्यक त्या सूचना आमदार साहेबांनी दिल्या.
”आई राजा उदो उदो, सदानंदीचा उदो उदो! कुलस्वामिनी आई तुळजाभवानी माते की जय!”
