तुळजाभवानी देवीच्या शारदीय नवरात्र महोत्सवात आज ‘दुसरी माळ’; नित्योपचार पूजा संपन्न!
तुळजापूर प्रतिनिधी:-
महाराष्ट्राची कुलस्वामिनी आई श्री तुळजाभवानी देवीच्या शारदीय नवरात्र महोत्सवाला देशभरातून आलेल्या भाविकांच्या उपस्थितीत उत्साहात सुरुवात झाली असून, आज सोमवार (दि. १२ ऑक्टोबर) रोजी देवीची नित्योपचार पूजा अत्यंत विधीवत संपन्न झाली. नवरात्र महोत्सवातील आज दुसरी माळ असून, मंदिरात देवीच्या दर्शनासाठी भाविकांची मोठी गर्दी पाहायला मिळत आहे.
भव्य छबिना मिरवणूक संपन्न-
नवरात्रोत्सवाच्या पहिल्या दिवशी (रविवार, ११ ऑक्टोबर) रात्री श्री तुळजाभवानी देवीची पारंपरिक छबिना मिरवणूक काढण्यात आली. या विशेष मिरवणुकीत देवीची मूर्ती गजराज म्हणजेच हत्ती या पारंपरिक वाहनावर विराजमान करण्यात आली होती. या सोहळ्याने उपस्थितांचे मन जिंकले.
मान्यवरांची विशेष उपस्थिती-
या छबिना मिरवणूक सोहळ्याप्रसंगी मंदिर संस्थानचे विश्वस्त, मानकरी आणि अधिकारी वर्ग मोठ्या संख्येने उपस्थित होता. यामध्ये,
नगराध्यक्ष तथा विश्वस्त श्री. विनोद गंगणे,
तहसीलदार तथा विश्वस्त श्री. अरविंद बोळंगे,
लेखाधिकारी श्री. संतोष भेंकी,
सहायक व्यवस्थापक श्री. जयसिंग पाटील ,(सामान्य), श्री. नागेश शितोळे (प्रशासन), आणि श्री. अनुप ढमाले (धार्मिक),
उपनगराध्यक्ष श्री. रामचंद्र रोचकारी,
महंत: महंत तुकोजीबुवा आणि महंत वाकोजीबुवा,
पुजारी मंडळाचे अध्यक्ष श्री. विपिन शिंदे,
यांसह श्री तुळजाभवानी मंदिर संस्थानचे सर्व कर्मचारी, मानकरी पुजारी मंडळ आणि देशभरातून आलेले लाखो भाविक मोठ्या भक्तिभावाने या सोहळ्यात सहभागी झाले होते. नवरात्रोत्सवाच्या आगामी दिवसांमध्ये विविध धार्मिक व सांस्कृतिक कार्यक्रमांचे आयोजन करण्यात आले आहे.
