गजानन महाराज प्रगट दिन सोहळा शेगाव येथे मोठ्या उत्साहात साजरा! – – – – – – – – – – – – – – – – – – – – – – – – – –
तुळजापूर प्रतिनिधी /- भक्ती, श्रद्धा आणि सेवा परंपरेचा जागर महाराष्ट्रभर भक्तांची गर्दी!
महाराष्ट्राच्या संत परंपरेत अत्यंत श्रद्धेने घेतले जाणारे संत गजान महाराज यांचा प्रकट दिन आज राज्यभर मोठ्या भक्तिभावात आणि उत्साहात साजरा करण्यात आला. गोरगरीब, दीनदुबळ्यांचा कैवारी, भक्तांचा तारणहार म्हणून ओळखल्या जाणाऱ्या गजान महाराजांच्या स्मरणार्थ विविध धार्मिक, सामाजिक आणि सेवा उपक्रमांचे आयोजन करण्यात आले. पहाटेपासूनच गजान महाराजांच्या मंदिरांमध्ये, मठांमध्ये आणि भक्तांच्या घरांमध्ये पूजा, अभिषेक, भजन, कीर्तन आणि नामस्मरणाचे वातावरण पाहायला मिळाले.
प्रकट दिनानिमित्त गजान महाराजांच्या प्रमुख मंदिरांमध्ये पहाटे चार वाजल्यापासूनच भक्तांनी दर्शनासाठी मोठी गर्दी केली होती. मंदिर परिसरात आकर्षक विद्युत रोषणाई, फुलांची सजावट आणि रांगोळ्यांनी भक्तांचे लक्ष वेधून घेतले. “जय गजान महाराज”च्या जयघोषाने संपूर्ण परिसर भक्तिमय झाला होता. अनेक भक्तांनी उपवास ठेवून महाराजांच्या चरणी नतमस्तक होत मनोकामना पूर्ण होण्यासाठी प्रार्थना केली.
अभिषेक, महापूजा आणि महाआरती
प्रकट दिनाच्या निमित्ताने सकाळी अभिषेक, वेदमंत्रोच्चारात महापूजा आणि दुपारी महाआरतीचे आयोजन करण्यात आले. पुजाऱ्यांकडून विधिवत पूजा पार पाडण्यात आली. महाराजांच्या मूर्तीवर दूध, पंचामृत, गंगाजलाने अभिषेक करून फुलांची उधळण करण्यात आली. संध्याकाळी महाआरतीवेळी मंदिरात उपस्थित हजारो भक्तांनी एकत्रितपणे आरतीचा गजर केला, यावेळी वातावरण भारावून गेले.
भजन, कीर्तन आणि प्रवचनांची मेजवानी
गजान महाराज प्रकट दिनाचे औचित्य साधून विविध ठिकाणी भजन, कीर्तन आणि प्रवचनांचे आयोजन करण्यात
आले.
