धाराशिव पोलिसांची धडक कारवाई: कळंब तालुक्यात तब्बल ५९ लाखांचा अवैध गुटखा आणि प्रतिबंधित तंबाखूजन्य साठा जप्त!
तुळजापूर प्रतिनिधी:-स्थानिक गुन्हे शाखेची आतापर्यंतची सर्वात मोठी धडक कारवाई.
महाराष्ट्र राज्यात प्रतिबंधित असलेल्या आणि मानवी आरोग्यास अत्यंत अपायकारक ठरणाऱ्या अवैध गुटखा व तंबाखूजन्य पदार्थांच्या साठ्याविरुद्ध धाराशिव पोलिसांनी एक मोठी आणि यशस्वी कारवाई केली आहे. कळंब पोलीस ठाण्याच्या हद्दीत केलेल्या या धडक कारवाईत पोलिसांनी तब्बल ₹५९,२३,१२८/- (एकोणसाठ लाख तेवीस हजार एकशे अठ्ठावीस रुपये) किमतीचा मुद्देमाल जप्त केला आहे.
वरिष्ठांच्या मार्गदर्शनाखाली विशेष मोहीम
धाराशिव जिल्ह्याच्या मा. पोलीस अधीक्षक श्रीमती रितु खोखर व मा. अपर पोलीस अधीक्षक श्री. सचिन पांडकर यांच्या मार्गदर्शनाखाली जिल्ह्यात अवैध धंद्यांचे समूळ उच्चाटन करण्यासाठी विशेष मोहीम राबविण्यात येत आहे. याच मोहिमेचा भाग म्हणून, परी. पोलीस उपअधीक्षक श्री. अमोल मोहिते यांच्या नेतृत्वाखाली कळंब पोलीस ठाण्याच्या हद्दीत शोध मोहीम सुरू होती.
गोपनीय माहितीच्या आधारे खोलीवर छापा
दिनांक २४/०६/२०२६ रोजी परी. पोलीस उपअधीक्षक श्री. अमोल मोहिते यांना डीकसव (ता. कळंब) येथे मोठ्या प्रमाणावर प्रतिबंधित साठा लपवून ठेवल्याची खात्रीशीर गोपनीय माहिती मिळाली. या माहितीच्या आधारे पोलीस पथकाने दोन पंचांच्या उपस्थितीत डीकसव येथील प्रभाकर भैरुबा चौधरी यांच्या घरातील एका खोलीवर अचानक छापा टाकला. या छाप्यात पोलिसांना विविध नामांकित कंपन्यांचा गुटखा आणि सुगंधित तंबाखूचा साठा आढळून आला.
भाडेकरू निघाला मुख्य सूत्रधार
पोलिसांनी घरमालक प्रभाकर चौधरी यांच्याकडे अधिक चौकशी केली असता, त्यांनी सदर खोली मागील एक महिन्यापासून गणेश भिकाजी घेवारे (रा. डीकसव, ता. कळंब) यांना भाडेतत्त्वावर दिल्याचे सांगितले. पुढील तपासात जप्त करण्यात आलेला हा सर्व प्रतिबंधित साठा गणेश घेवारे यांचाच असल्याचे निष्पन्न झाले आहे.
जप्त करण्यात आलेला मुद्देमाल अंदाजे किंमत ₹५९,२३,१२८/-)
पोलिसांनी दोन पंचांसमक्ष कारवाई करत खालील विविध कंपन्यांचा मुद्देमाल जप्त केला.
गुटखा व पान मसाला- सम्राट पान मसाला (३२४० पुडे), गोवा १००० गुटखा (९०४० पुडे), तारा सुगंधित पान मसाला (१२४८ पुडे), सिग्नेचर पान मसाला (४५८ पुडे), के.आर. १००० गुटखा (५१८ पुडे), माणिकचंद पान मसाला (७७८ पुडे), शिमला गुटखा (६०० पुडे), अलीबाबा पान मसाला (२२५ पुडे), सोसायटी पान मसाला (५० पुडे), जायका १००० गुटखा (६० पुडे).
सुगंधित तंबाखू व जर्दा: ॲक्शन ७ (८१७ पुडे), रत्नछाप No. ३०० (२२४ पुडे), LCC १००० जाफरानी जर्दा (७४८ पुडे), MC सुगंधित तंबाखू (९०० पुडे), AB सुगंधित तंबाखू (२५० पुडे), TTS सुगंधित तंबाखू (१०३५ पुडे), विना लेबल (Unlabeled) सुगंधित तंबाखू (६६५ पुडे), VT सुगंधित तंबाखू (५० पुडे), RK वर्ल्ड तंबाखू (४० पुडे), ओरिजिनल ३०० तंबाखू (२६ पुडे).
हा सर्व मुद्देमाल कळंब पोलीस ठाण्यात जमा करण्यात आला असून, ‘अन्न सुरक्षा व मानके कायद्यान्वये’ पुढील कडक कायदेशीर कारवाईसाठी अन्न व औषध प्रशासन (FDA), धाराशिव यांच्याकडे आवश्यक अहवाल पाठवण्यात आला आहे.
कारवाईत सहभागी शौर्यवान पथक
परी. पोलीस उपअधीक्षक श्री. अमोल मोहिते यांच्या नेतृत्वाखाली पार पडलेल्या या धडक कारवाईत. सहायक पोलीस निरीक्षक श्री. प्रवीण सोमवंशी, श्री. सुरेश कासुळे पोलीस उपनिरीक्षक श्री. रामचंद्र बहुरे, श्री. सिराज पठाण तसेच RCP, QRT पथकातील सर्व अधिकारी-कर्मचारी आणि कळंब पोलीस ठाण्याच्या अंमलदारांनी मोलाची कामगिरी बजावली. पोलिसांच्या या कामगिरीमुळे जिल्ह्यातील अवैध गुटखा माफियांमध्ये मोठी खळबळ उडाली आहे. तसेच अवैधरित्या गुटख्याची साठा निदर्शनास आल्यास पोलिसांची संपर्क साधण्याचे आवाहन करण्यात येत आहे.
