हराळी येथे जिल्हास्तरीय इन्स्पायर अवार्ड पुरस्काराचे प्रदर्शन संपन्न
——————————————————-
नळदुर्ग (एस. के. गायकवाड):
विज्ञान व तंत्रज्ञान विभाग भारत सरकार , शालेय शिक्षण व क्रीडा विभाग महाराष्ट्र शासन , राज्य विज्ञान शिक्षण संस्था नागपूर , जिल्हा शिक्षण विभाग धाराशिव वतीने ” Inspire Award योजने अंतर्गत पुरस्कार प्राप्त विद्यार्थ्यांचे
(धाराशिव ,लातूर ,नांदेड संयुक्त ) “जिल्हास्तरीय इन्स्पायर अवार्ड प्रदर्शन ” दि १७ व १८ नोव्हें २०२५ रोजी उमरगा तालुक्यातील ज्ञानप्रबोधिनी हराळी येथे पार पडले .
या कार्यक्रमाचे उद्घाटन धाराशिव जिल्हाधिकारी किर्ती किरण पूजार यांच्या हस्ते तर मुख्य कार्यकारी अधिकारी डॉ.मैनाक घोष यांचे अध्यक्षतेखाली संपन्न झाले.यावेळी जिल्हा शिक्षण प्रशिक्षण संस्था धाराशिव प्राचार्य डॉ . दयानंद जटनुरे , शिक्षणाधिकारी (मा .) श्रीमती सुधा साळुंके मॅडम,माहिती अधिकारी विवेक खडसे ,दिल्ली येथील निरीक्षक श्रीमती शिवानी सिंग व अन्य मान्यवरांची उपस्थिती होती .
इन्स्पायर अवार्ड प्रदर्शन उद्घाटन समारंभ व पारितोषिक वितरण आणि समारोप या दोन्हीही कार्यक्रमाचे सुत्रसंचलन राज्यस्तरीय आदर्श शिक्षक पूरस्कार प्राप्त चिकुंद्रा येथील सह शिक्षक भैरवनाथ कानडे यानी केले.
*या प्रसंगी उत्कृष्ट सूत्रसंचालन केल्याबद्दल प्रशासनाच्या वतीने भैरवनाथ कानडे यांचा ही सन्मान करण्यात आला*.
