महाराष्ट्र राज्य पत्रकार संघाच्या मराठवाडा विभागीय सचिवपदी अरुण लोखंडे यांची निवड!
तुळजापूर प्रतिनिधी :- महाराष्ट्र राज्य पत्रकार संघ, मुंबई या राज्यातील अग्रगण्य पत्रकार संघटनेच्या मराठवाडा विभागीय सचिव / संपर्कप्रमुख या महत्त्वपूर्ण पदावर तुळजापूर येथील ज्येष्ठ पत्रकार श्री. अरुण लोखंडे यांची नियुक्ती करण्यात आली आहे.
संघटनेचे प्रदेश अध्यक्ष निलेश सोमाणी आणि राज्य संघटक संजय भोकरे यांच्या सूचनेनुसार, प्रदेश सरचिटणीस डॉ. विश्वासराव आरोटे यांनी अधिकृत नियुक्ती पत्र देऊन ही घोषणा केली.
पत्रकार संघाचे ध्येय-धोरण आणि उद्दिष्टे लक्षात ठेवून मराठवाडा विभागात संघटना अधिक मजबूत करण्यासाठी व पत्रकारांच्या न्याय्य हक्कांसाठी श्री. लोखंडे हे नेहमी प्रयत्नशील राहतील, असा विश्वास संघटनेच्या वरिष्ठ पदाधिकाऱ्यांनी व्यक्त केला आहे.
श्री. अरुण लोखंडे यांच्या या नियुक्तीबद्दल पत्रकार संघ, विविध सामाजिक संस्था, राजकीय तसेच प्रशासकीय वर्गातून त्यांच्यावर अभिनंदनाचा वर्षाव होत असून पुढील वाटचालीसाठी त्यांना उदंड शुभेच्छा दिल्या जात आहेत.
