वंचित बहुजन आघाडीच्या उमेदवारांचा जोरदार प्रचार शुभारंभ
———————————————-
नळदुर्ग (एस. के. गायकवाड ):
*राज्यामध्ये सर्वत्र होऊ घातलेल्या स्थानिक स्वराज्य संस्थेच्या निवडणुका पहिल्या टप्प्यातील नगरपालिका व महानगरपालिका निवडणुक लढण्यासाठी सज्ज झालेल्या वेगवेगळ्या पक्षातील अनेक उमेदवारांनी काल प्रचाराला सुरुवात केली आहे. नळदुर्ग नगर परिषदेसाठी वंचित बहुजन आघाडी या पक्षाकडून वार्ड क्र. 02 मधून (अनुसूचित जाती राखीव ) जागेजाठी सखाराम नारायण गायकवाड*
*वार्ड क्र.08 मधून ( सर्वसाधारण पुरुष ) ओंकार शिवलिंग कलशेट्टी*
*वार्ड क्र. 10 मधून सचिन युवराज राठोड ( सर्वसाधारण पुरुष) हे तीन उमेदवार निवडणुकीच्या मैदानात उतरले असून या तिन्ही उमेदवाराच्या प्रचाराचा शुभारंभ काल शुक्रवार दि.21/11/2025 रोजी वंचित बहुजन आघाडीचे जिल्हा उपाध्यक्ष मा. आर.एस गायकवाड,तसेच वंचित बहुजन आघाडी तुळजापूर तालुकाध्यक्ष मा. गोविंद भंडारे यांच्या शुभहस्ते भारतीय संविधान निर्माते महामानव,भारतरत्न डॉ. बाबासाहेब आंबेडकर आणि थोर संत सेवालाल महाराज यांच्या प्रतिमेचे पूजन करून, तसेच नळदुर्ग येथील संविधान चौकाला पुष्पमाला अर्पण करून अभिवादन करत या* *उमेदवारांच्या प्रचाराची सुरुवात करण्यात आली. यावेळी बोलताना जिल्हा उपाध्यक्ष आर.एस गायकवाड म्हणाले की प्रभाग क्रमांक 10 मधून सचिन युवराज राठोड यांच्या रूपाने वंचित बहुजन आघाडीचा नळदुर्ग नगर परिषदेचा पहिला नगरसेवक निवडून आल्याशिवाय राहणार नाही असा विश्वास व्यक्त करत भीम नगर नळदुर्ग येथील प्रभाग क्रमांक दहा मधील सर्व मतदारांनी वंचित बहुजन आघाडीच्या उमेदवाराला मतदान रुपी आशीर्वाद देऊन पाठबळ द्यावे अशी विनंती त्यांनी यावेळी बोलताना केली. तर तालुकाध्यक्ष गोविंद भंडारे यांनी वंचित बहुजन आघाडी या राजकीय पक्षाच्या माध्यमातून सर्वसामान्य व वंचित घटकातील नागरिकांना वंचित बहुजन आघाडी या पक्षाच्या माध्यमातून राजकीय सत्तेकडे जाण्यासाठी मार्ग निर्माण करून दिल्याबद्दल पक्षाचे राष्ट्रीय अध्यक्ष आदरणीय बाळासाहेब आंबेडकर साहेबांचे आभार व्यक्त करत, बहुजन वर्गातील सर्व मतदारांना आपले मत आपल्याच पक्षाला आपले मत आपल्याच माणसाला देऊन आपलेच उमेदवार निवडून आणा आणि प्रस्थापितांना घाम फोडत वंचित बहुजन आघाडीची ताकद दाखवा अशी विनंती उपस्थितांना केली. यावेळी वंचित बहुजन आघाडीचे निष्ठावंत कार्यकर्ते युवराज परशुराम राठोड, भारतबाई युवराज राठोड, परशुराम नाईक, अनिल बनसोडे, उमेदवार सचिन युवराज राठोड, उमेदवार ओंकार शिवलिंग कलशेट्टी, सचिन चिदानंद कलशेट्टी, खंडू जाधव, दगडू जाधव, राहुल राठोड,रोहन राठोड, सुरज जाधव, सचिन राठोड, अरुण नाईक, प्रदीप पवार, अर्जुन जाधव, शिवराज राठोड, महेश राठोड, सुभाष पवार, बबन जाधव, नामदेव जाधव, सुधाकर नाईक, इत्यादी पुरुष तर महिलांमध्ये भजनाबाई नाईक, लालूबाई जाधव, चांदुबाई चव्हाण, रानुबाई नाईक, सुनिता नाईक, अनिता नाईक, आशाबाई राठोड, शांताबाई राठोड, विमलबाई जाधव, छायाबाई नाईक, संगीता जाधव, शांताबाई नाईक, सुनिता जैनू राठोड, सुनिता जाधव, सुनिता जाधव, शैलेश डुकरे, अमर कलशेट्टी, ऋषिकेश नाईक, गोरख जाधव अंबुबाई कांबळे,विमल कांबळे, संपदा कांबळे आदी महिला कार्यकर्तेत्या ही मोठ्या संख्येने उपस्थित होत्या.*






