Best News Portal Development Company In India

नळदुर्ग शहराच्या सर्वांगीण विकासाला चालना देण्यासाठी राष्ट्रवादीच्या उमेदवारांना निवडून द्या: नामदार अजित पवार यांनी नळदुर्गकरांना आवाहन केले.

नळदुर्ग शहराच्या सर्वांगीण विकासाला चालना देण्यासाठी राष्ट्रवादी काँग्रेसच्या उमेदवाराना विजयी करा : नामदार अजित दादा पवार यांचे नळदुर्गकराना आवहान
—————————————————
नळदुर्ग (एस.के. गायकवाड ):
नगर परिषदेची ही निवडणूक नळदुर्ग शहराच्या विकासाची दिशा ठरविणारीअसून बारामती, पिपंरी चिचवड पुणे शहराच्या धरतीवर नळदुर्गच्या सर्वांगीण विकासाला चालना देण्यासाठी नळदुर्ग शहरातील समस्यांची जाणीव असलेले राष्ट्रवादी काँग्रेसचे उमेदवार संजय अण्णा बताले यांना व सर्व प्रभागातील राष्ट्रवादी काँग्रेसच्या उमेदवारांना विजयी करा असे आवाहन राष्ट्रवादी काँग्रेसचे अध्यक्ष तथा राज्याचे उपमुख्यमंत्री नामदार अजित दादा पवार यांनी येथे बोलताना केले.
नळदुर्ग नगर परिषदेच्या सार्वत्रिक निवडणुकीच्या प्रचाराचा शुभारंभ राष्ट्रवादी काँग्रेसने नामदार अजित दादा पवार यांच्या प्रचंड जाहीर सभेने केला.
या प्रसंगी नामदार अजित दादा पवार हे बोलत होते पुढे बोलताना ते म्हणाले की राष्ट्रवादी काँग्रेस पक्ष हा शिव फुले शाहू आंबेडकर आदी महामानवांच्या विचारधारेवर सर्व जाती धर्मातील लोकांना सोबत घेऊन काम करणारा पक्ष असून शहरातील अंतर्गत भूमिगत गटार रस्ते पाणी विज अशा जनतेच्या जिव्हाळ्याच्या प्रश्न सोडवण्यासाठी राष्ट्रवादी काँग्रेस कटिबद्ध असून शहराच्या विकास कामाला निधी कमी पडू देणार नाही.नळदुर्ग शहराला लाभलेल्या पर्यटन स्थळाचा विकास करून येथील बेरोजगार तरुणांना रोजगार उपलब्ध करून देणार तुळजापूर तीर्थक्षेत्र नळदुर्ग पर्यटन स्थळ याची सांगड घालून विकास कामाला गती देऊन नळदुर्गचा कायापालट करणार मराठवाड्यातील शेतकऱ्यांना न्याय देण्याचा प्रयत्न करणार काही झाले तरी लाडकी बहीण योजना बंद पडू देणार नाही असे ते म्हणाले तर राष्ट्रवादी काँग्रेसचे अजित दादा पवार गटाचे नगराध्यक्ष पदाचे उमेदवार संजय बताले म्हणाले की नामदार अजित दादा पवार यांच्या नेतृत्वाखाली आणि मार्गदर्शन खाली नळदुर्ग शहरातील सर्वसामान्य जनतेच्या अडीअडचणी सोडविण्यासाठी मी सातत्याने प्रयत्न करणार असून ही लढाई धनशक्तीच्या विरोधात जनशक्तीची आहे त्यामुळे पैशाच्या जोरावर सत्ता ताब्यात घेण्याचे स्वप्न पाहणाऱ्यांना जनतेने आमच्या सर्वच्या सर्व उमेदवाराना विजय करून जनशक्तीला विजयी करा.
या प्रसंगी राष्ट्रवादी काँग्रेस अजित दादा पवार गटाचे नेते सुरेश दाजी बिराजदार, शिक्षक मतदार संघाचे आमदार विक्रम काळे, भूम – परंडा मतदार संघाचे आमदार राहुल मोठे,गोकूळ तात्या शिंदे, धाराशिव जिल्हा अध्यक्ष महेंद्र काका धुरगुडे, शफीभाई शेख,मुस्ताक कुरेशी, रिपाइंचे जिल्हा उपाध्यक्ष बाबासाहेब बनसोडे, महादेव कांबळे, प्रमोद कुलकर्णी,संभाती कांबळे मारुती वाघमारे सह सर्व उमेदवार,महिला, नागरिक, युवा कार्यकर्ते मोठ्या संख्येनने उपस्थित होते

Tuljai Express
Author: Tuljai Express

2024 Reserved Jan Awaz | Designed by Best News Portal Development Company - Traffic Tail