तुळजापुरात घरफोडी! बंद घराचे कडी-कोयंडा तोडून ९० हजारांचा मुद्देमाल लंपास; अज्ञात चोरट्याविरुद्ध गुन्हा दाखल!
तुळजापूर प्रतिनिधी :- तुळजापूर शहरात आणि तालुक्यात चोरीचे सत्र थांबता थांबेना.
नागणे प्लॉटींग परिसरातील एका बंद घरावर अज्ञात चोरट्याने दरोडा टाकून चांदीचे दागिने आणि रोख रक्कमेसह तब्बल ९० हजार रुपयांचा मुद्देमाल लंपास केल्याची घटना उघडकीस आली आहे. या प्रकरणी तुळजापूर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, फिर्यादी उमाकांत दिलीप भालेकर (वय ३४, रा. नागणे प्लॉटींग, तुळजापूर) यांचे राहते घर दि. २३ ऑगस्ट २०२६ रोजी रात्री १०.०० ते दि. २४ ऑगस्ट २०२६ रोजी पहाटे ०३.३० वाजेच्या सुमारास बंद होते. या कालावधीचा गैरफायदा घेत अज्ञात इसमाने मुख्य दरवाजाचे कुलूप व कडी-कोयंडा तोडून घरात बेकायदेशीर प्रवेश केला. चोरट्याने घरातील कपाटाची उचकापाचक करून चांदीचे मौल्यवान दागिने आणि रोख रक्कम असा एकूण ९०,००० रुपये किमतीचा ऐवज लांबवला.
या घटनेप्रकरणी उमाकांत भालेकर यांनी दिलेल्या तक्रारीवरून दि. २५ ऑगस्ट २०२६ रोजी तुळजापूर पोलीस ठाण्यात अज्ञात आरोपीविरुद्ध भारतीय न्याय संहिता (BNS) कलम ३०५(अ) आणि ३३ logic(४) अन्वये घरफोडी व चोरीचा गुन्हा नोंदवण्यात आला आहे. या प्रकरणाचा पुढील तपास तुळजापूर पोलीस करत आहेत. सदर घटनेने तुळजापूर परिसरात खळबळ उडाली असून लवकरात चोरांचा बंदोबस्त करावा अशी मागणी जनतेतून होत आहे.
