नळदुर्ग नगर परिषदेच्या सार्वत्रिक निवडणुकीतील भाजपाचे नगराध्यक्ष पदाचे उमेदवार बसवराज धरणे व नगरसेवक पदाच्या उमेदवारांचा प्रचाराचा शुभारंभ भव्य दिव्य रॅलीने व जाहीर सभेने करण्यात आला
—————————————————–
नळदुर्ग ( एस.के. गायकवाड):
तुळजापूर तालुक्यातील नळदुर्ग नगर परिषदेच्या सार्वत्रिक निवडणूकतील भारतिय जनता पार्टीचे नगराध्यक्ष पदाचे उमेदवार बसवराज धरणे व एक ते दहा प्रभागातील एकून वीस नगर सेवक पदाच्या उमेदवारांचा प्रचाराचा शुभारंभ तुळजापूर विधानसभेचे विद्यमान आमदार राणाजगजीतसिंह पाटील यांच्या प्रमुख उपस्थितीत शहरातील मुख्य रस्त्यावरून भव्य दिव्य अशी रॅली काढून व जाहीर सभा घेऊन करण्यात आला.
नळदुर्ग नगर परिषदेच्या सार्वत्रिक निवडणुकीत नामनिर्देशन अर्ज काढून घेण्याच्या शेवटच्या तारखे नंतर प्रचाराच्या रनधुमाळीला सुरुवात झाली असून दि.२२नोव्हेंबर रोजी राज्याचे उपमुख्यमंत्री अजित दादा पवार यांच्या सभेने राष्ट्रवादी काँग्रेसने आपल्या प्रचाराला सुरुवात केली तर पाठोपाठ दिनांक २३ नोव्हेंबर रोजी भारतीय जनता पार्टीच्या उमेदवारांनी तुळजापूर विधानसभेचे विद्यमान आमदार राणाजगजीतसिंह पाटील यांच्या प्रमुख उपस्थितीत शहरातून भव्य रॅली काढून व जाहीर सभा घेऊन आपल्या प्रचाराचा नारळ फोडला. दिवसेंदिवस
निवडणुकीचे वातावरण शहरामध्ये तापत असून प्रत्येकाने आपापल्या परीने प्रचाराला सुरुवात केली आहे दि.२३ नोव्हेबर २o२५ रोजी नळदुर्ग शहरातील राष्ट्रीय महामार्ग लगत असलेल्या धरणे किराणा स्टोअर समोर नळदुर्ग नगर परिषदेच्या प्रत्येक प्रभागातील उमेदवार व मतदार जमा करून शहरातील मुख्य रस्त्याने रॅलीला सुरुवात करण्यात आली या रॅलीचे येथील ऐतिहासिक किल्ला गेट जवळ जाहीर सभेत रुपांतर झाले या सभेत बोलताना तुळजापूर विधानसभा मतदारसंघाचे लाडके आमदार राणाजगजीत सिंह पाटील म्हणाले की ही निवडणूक नळदुर्ग शहराच्या विकासाच्या दृष्टीने अत्यंत महत्त्वाची निवडणूक असून भारतीय जनता पार्टी जाती-धर्माच्या पलीकडे जाऊन केवळ विकासाच्या मुद्द्यावर ही निवडणूक लढवीत आहे सर्वसामान्य जनतेची समस्यांची जाणीव असलेले सामाजिक राजकीय वारसा लाभलेले युवा कार्यकर्ते बसवराज धरणे यांना भाजपाने नगराध्यक्ष पदासाठीची उमेदवारी दिली असून त्यांच्या बरोबरच एक ते दहा प्रभागातून एकून वीस उमेदवारांना सोशल इंजिनिअरिंगच्या माध्यमातून सर्व जाती धर्मातील उमेदवारांना न्यायिक भावनेने उमेदवारी दिलेली आहे तेव्हा नळदृग शहराच्या विकासाकरिता जनतेने भाजपा शिवसेना शिंदे गट महायुतीच्या उमेदवाराच्या पाठीमागे खंबीर उभे राहून भाजपा शिवसेना व मित्रपक्ष महायुतीला प्रचंड मताने विजयी करून महायुतीच्या ताब्यात नगर परिषदेची सत्ता द्यावी असे आवाहन त्यांनी यावेळी केले याप्रसंगी भाजपाचेमाजी जिल्हाध्यक्ष नितीन काळे,नय्यरपाशा जहागीरदार, दत्तात्रय दासकर,लहुजी शक्ती सेनेचे शिवाजी गायकवाड, नगराध्यक्ष पदाचे उमेदवार बसवराज धरणे आदींची ही समय सूचक पर भाषणे झाली या सभेचे प्रास्ताविक व सूत्रसंचालन विनायक अहंकारी यांनी केले.
यावेळी भाजपाचे युवा नेते सुनील चव्हाण,साहेबराव घुगे सिद्धू अण्णा कोरे,अँड.दीपक आलुरे, दत्तात्रय राजमाने,अंगद जाधव,विलास राठोड, राजा ठाकूर,किशोर धुमाळ प्रकाश बनसोडे, दत्ता बनसोडे, किशोर नळदुर्गकर,सह सर्व नगरसेवक पदाचे उमेदवार, युवा कार्यकर्ते,महिला,व नागरिक मोठ्या संख्येने उपस्थित होते.
,
…
