जनतेची काम करणाऱ्या निष्ठावंत कार्यकर्त्याला निवडून द्यावे:-डाॅ.रामदास आठवले
तुळजापूर (प्रतिनिधी) रिपब्लिकन पक्ष निष्ठावंतांच्या पाठीशी खंबीरपणे उभा असून जनतेने काम करणाऱ्या कार्यकर्त्याला निवडून द्यावे. पक्ष वाढीसाठी पदाधिका-याने एक दिलाने काम केले पाहिजे जे पक्ष विरोधी काम करतील त्यांचा अहवाल पाठवा पक्ष कार्यवाही करेल असे प्रतिपादन केंद्रीय मंत्री डॉ रामदास आठवले यांनी सोलापूर येथे शासकीय विश्रामगृह येथे केले आहे.
रविवार (दि.२३) रोजी
रिपब्लिकन पार्टी ऑफ इंडिया आठवले पक्षाचे राष्ट्रीय अध्यक्ष केंद्रीय मंत्री डॉ रामदास आठवले हे सोलापूर जिल्हा दौ-यावर आले असता तुळजापूर रिपाइं आठवले पक्षाचे स्वबळावर निवडणूक लढवित असलेले उमेदवार युवक तालुकाध्यक्ष शुभम कदम यांनी भेट घेऊन निवडणूक संदर्भात चर्चा केली आणि युवक आघाडीचा ऑनलाईन सभासद नोंदणी अहवाल सादर केला.
यावेळी केंद्रीय मंत्री डॉ रामदास आठवले बोलत होते.
याप्रसंगी रिपाइं आठवले पक्षाचे ईशान्य भारत प्रभारी राष्ट्रीय नेते विनोद निकाळजे मुंबई प्रदेश अध्यक्ष सिध्दार्थ कासारे, मराठवाडा प्रदेश अध्यक्ष बाबुराव कदम, महाराष्ट्र प्रदेश उपाध्यक्ष डॉ स्वामी शिरकुल वैदु, तुळजापूर युवक तालुकाध्यक्ष शुभम कदम, आदिंसह रिपाइंचे पदाधिकारी उपस्थित होते.
पुढे बोलताना केंद्रीय मंत्री डॉ रामदास आठवले म्हणाले की, रिपब्लिकन पक्ष हा महायुतीचा पुर्वीपासून जुना मित्र पक्ष आहे सर्वजण स्वबळावर लढत असतील तर रिपब्लिकन पक्षाला हि पक्ष वाढविण्याचा अधिकार आहे. मित्र पक्षांना रिपब्लिकन पक्षाची ताकद दाखविल्याशिवाय रिपब्लिकन पक्षाची आंबेडकरी समाजाची किमत कळणार नाही त्यामुळे रिपब्लिकन पक्षाच्या पदाधिका-यांनी स्वबळावर निवडणूक लढवित असलेल्या उमेदवाराच्या पाठिंशी खंबीर उभे राहून निवडून आणावे असे केंद्रीय मंत्री डॉ आठवले यांनी चर्चा करताना म्हटले
आहे.
