डॉ. बाबासाहेब आंबेडकर जयंतीनिमित्त रिपब्लिकन पार्टी ऑफ इंडिया (आठवले) गटातर्फे ३२ हजार रुपयांचे धम्मदान!
तुळजापूर (प्रतिनिधी): “जय भीम ” च्या गजरात विश्वभूषण, परमपूज्य बोधिसत्व डॉ. बाबासाहेब आंबेडकर यांच्या १३५ व्या जयंतीचे औचित्य साधून रिपब्लिकन पार्टी ऑफ इंडिया (आठवले) पक्षाच्या वतीने सामाजिक बांधिलकी जपत एक स्तुत्य उपक्रम राबवण्यात आला. पक्षाच्या वतीने भारतीय बौद्ध महासभेला ३२ हजार रुपयांचे धम्मदान सुपूर्द करण्यात आले.
महत्त्वाच्या पदाधिकाऱ्यांची उपस्थिती
हा धम्मदानाचा कार्यक्रम रिपाइं (आठवले) पक्षाचे महाराष्ट्र राज्य जॉईंट सेक्रेटरी मा. राजाभाऊ ओव्हाळ साहेब आणि जिल्हा कार्याध्यक्ष मा. सोमनाथ गायकवाड यांच्या विशेष सौजन्याने पार पडला. यावेळी भारतीय बौद्ध महासभेच्या जिल्हाध्यक्ष सौ. राजश्रीताई कदम यांच्याकडे ही धम्मदानाची राशी सुपूर्द करण्यात आली. ईतर
उपस्थित मान्यवर,
या मंगलप्रसंगी भारतीय बौद्ध महासभेचे जिल्हा सरचिटणीस विजय बनसोडे, तालुकाध्यक्ष बाबासाहेब बनसोडे यांच्यासह रिपब्लिकन पक्षाचे विविध पदाधिकारी आणि मोठ्या संख्येने भीम अनुयायी उपस्थित होते.
सामाजिक कार्याचा गौरव
केवळ उत्सव साजरा न करता, धम्मकार्यासाठी आणि समाजाच्या प्रगतीसाठी हातभार लावण्याच्या या निर्णयाचे सर्व स्तरांतून कौतुक होत आहे. डॉ. बाबासाहेब आंबेडकरांच्या विचारांना कृतिशील अभिवादन करण्यासाठी हा उपक्रम राबवल्याचे पदाधिकाऱ्यांनी यावेळी नमूद केले.
निमित्त: डॉ. बाबासाहेब आंबेडकर यांची १३५ वी जयंती मोठ्या उत्साहात व आनंदी वातावरणात साजरी करण्यात आली. या कार्यक्रमात भीम अनुयायी माता-भगिनी आबाल वृद्ध व सामाजिक कार्यकर्ते असा खूप प्रचंड भीमसागर उसळला होता. सर्वांनी अभिमानाने बाबासाहेबांना अभिवादन केले.
