वडगाव फाट्याजवळ भीषण अपघात: इनोव्हा व ट्रॅक्टरच्या धडकेत एकाचा मृत्यू, एक गंभीर; तुळजापूर पोलिसांत गुन्हा दाखल!
तुळजापूर प्रतिनिधी:-
तुळजापूर ते लातूर मार्गावरील वडगाव लाख पाटीजवळ इनोव्हा कार आणि ट्रॅक्टरच्या धडकेत मोटरसायकलवरील एका तरुणाचा दुर्दैवी मृत्यू झाला असून, एक जण गंभीर जखमी झाला आहे. ही घटना १८ ऑक्टोबर २०२६ रोजी दुपारी ३:१५ वाजता घडली. याप्रकरणी काल (२८ ऑक्टोबर) तुळजापूर पोलीस ठाण्यात दोन वाहनचालकांविरुद्ध गुन्हा दाखल करण्यात आला आहे.
मिळालेल्या माहितीनुसार, खंडाळा येथील रहिवासी संदीप लक्ष्मण उर्फ मारुती पवार (वय २९ वर्षे) हे आपले सोबती मिलिंद नामदेव जाधव (वय २१ वर्षे) यांच्यासह मोटरसायकल (क्र. MH 25 AT 9056) वरून प्रवास करत होते. तुळजापूर-लातूर रस्त्यावरील वडगाव लाख पाटीजवळ आले असता, पाठीमागून येणाऱ्या इनोव्हा कार (क्र. MH 13 CK 0956) आणि ट्रॅक्टर (क्र. MH 25 AL 2355) च्या चालकांनी आपल्या ताब्यातील वाहने अत्यंत हलगर्जीपणाने व निष्काळजीपणाने चालवून संदीप यांच्या मोटरसायकलला जोरदार धडक दिली.
या भीषण अपघातात मिलिंद जाधव हे अत्यंत गंभीर जखमी झाल्याने उपचारादरम्यान त्यांचा दुर्दैवी मृत्यू झाला, तर संदीप पवार हे गंभीर जखमी झाले आहेत.
घटनेनंतर जखमी संदीप पवार यांनी दि २८ ऑक्टोबर २०२६ रोजी तुळजापूर पोलीस ठाण्यात फिर्याद दिली. त्यावरून पोलिसांनी इनोव्हा कार व ट्रॅक्टरचालकांविरुद्ध भारतीय न्याय संहिता (BNS) कलम २८१, १२५ (अ) (ब), आणि १०६ (१) अंतर्गत गुन्हा नोंदवला आहे. तुळजापूर पोलीस या प्रकरणाचा पुढील तपास करत आहेत.
घटनास्थळ- वडगाव लाख पाटी (तुळजापूर ते लातूर रोड)
मृत व्यक्ती- मिलिंद नामदेव जाधव (वय २१ वर्षे, रा. खंडाळा)
जखमी व्यक्ती- संदीप लक्ष्मण पवार (वय २९ वर्षे, रा. खंडाळा)
अपघातातील वाहने – मोटरसायकल (MH 25 AT 9056), इनोव्हा कार (MH 13 CK 0956), ट्रॅक्टर (MH 25 AL 2355)
